Way gaadhay Sakaatul-fitriga (New)

Galad eebe ka dib sakadii way gaadhay masaakiintii, wax weyna way ka tartay xili ay aad ugu baahnaayeen, samafalkana farxad weyn ayay u tahay hadii masaakiintii farxeen, dadkii ka qeybqaatayna Ilaahay ha ka abaar mariyo hana ka aqbalo dhamaantood aamiin aamiin.             Sanadkana fitrigu waxay noqotay Finland iyo england isku dar 1445 dollar,  waxaana loo kala diray Hargeisa iyo Burco.   waxaan leenahay Ilaahay ha ka farxiyo dadka walaalahood ka farxiyay aamiin.

Sakaatul-fitrigii sanadkii hore

Way gaadhay meeshii loogu talo galay iyo cidii xaqa u lahayd, Ilaahay ha inaga aqbalo hana inagu nadiifiyo, wixii gafaf inaga dhacayna Ilaahay ha inoogu dhaafo. Dadaal ilaahay ina waafajiyay ka dib, Masaakiin badan oo wadankeenii joogta ayaa fitrigii la gaadhsiiyay aadna way ugu farxeen sida wanaagsan ee walaaladood u soo xasuusteen una soo caawiyeen.                                                                                        Isugeynkii fitriguna waxay noqotay sanadkan 989 dollar, Taasoo raashin loo rogay ka dib masaakiinta loo qaybiyay.

Wadashaqaynta Taiwans Group

Ururka samafalka ujeedooyinkiisa ugu waaweyni waa sidii dadka iyo dalka loo caawin lahaa waxna loogu qaban lahaa dadka jilicdasan een awood badan u lahayn inay loolanka nolosha ka qayb qaataan duruufo badan oo jira awgeed, sida dadka dhimirka ka jiran, curyaamiinta oon laxaadkoodii haysan iyo caruurta yar yar ee agoomaha ah oon haysan Aabo ka caawiya nolosha waayaheega.

Markaa Ururku dadaalkaa ayuu ku jiraa, Ilaahay  mahadii dad xubnaha ururka ah ayaa la xidhiidhay  hay ad TAIWANS ah oo samafal ah dadkana waawisa, markaa waxaanu jaanis u helnay inay yidhaahdeen wadankiina ayaanu soo eegaynaa ee na raaca idinkaana kharashkiina isku qaba qofna na raacaya, Ururku wuxuu tunka u ritay kharashkii qofbaana lagu daray sidaa ayaanay wadankii hooyo ku tageen kuna soo kormeereen aadna way ula dhaceen dhinaca nabada iyo dagenaanta ka muuqata,  waxa kale ood xaqiiqsadeen baahiyaha badan ee jira dhinacyada caafimaadka iyo waxbarashada waxaanay markiiba balan qaadeen inay inaga caawiyaan dhinaca caafimaadka oo waayo arag badan u leeyihiin.

MAXAY INOO QABTEEN.

Gabadh kalkaaliso caafimaad ah

Iska markiiba waxay inoo soo direen gabad kalkaaliso ah oo takhasus leh, waxayna tababaro ka bixisaa cusbitaal guud ee HARGEISA iyo ADNA cusbitaal halkaasoo runtii wax badan ka tartay kana caawisay waxyaabo badan oo shaqada wanaajinaya horumarna samaynaya, waxaanay inoo balan qaadeen inay inala joogi doonto ilaa mudo sanad ah.

 Koox Joornaaliistayaal

Waxa kale oo wadanka ay u soo direen joornaalistayaal wadanka intiisa badan  soo maray, si ay wadanka guud ahaan uga soo warbixiyaan xaaladihiisa dhaqaale iyo siyaasadeedba si ay saldhig ugu noqoto dadkooda kale ee ay u soo dirayaan wadankeena iyo mucaawanadoodu meesha ay tagayso xaaladeeda.